“T’i japim një përqafim Ramës”-Meloni: E ‘masakruan’ për marrëveshjen për emigrantët

Kryeministrja e Italisë, Giorgia Meloni, ka falënderuar homologun shqiptar Edi Rama për marrëveshjen e emigrantëve të nënshkruar mes tyre.

Gjatë fjalës së saj në një takim elektoral, Meloni i tha mbështetëve të saj se kryeministri Rama meritonte një përqafim, për ndihmën ndaj vendit të saj.

“Le t’i japim një përqafim kryeministrit socialist të Shqipërisë, Edi Ramës, i cili u masakrua vetëm sepse ndihmoi Italinë”, ka thënë mes të tjerash Meloni.

Marrëveshja mes dy vendeve parashikon që emigrantët nga Afrika që shkojnë në Itali do të kthehen dhe do të qëndrojnë në kampet në Shqipëri, derisa të merret një vendim për fatin e tyre, nëse do të pranohen ose jo në vendin fqinj.

Po ashtu kujtojmë se marrëveshja për emigrantët mes Ramës dhe Melonit është kundërshtuar ashpër nga opozita në të dy vendet, por edhe nga elementë të Bashkimit Europian.

LEXONI GJITHASHTU:

• Debati për zgjedhjet evropiane, Von der Leyen i mëshon aleancës me Giorgia Melonin
• Alibali: Ja çfarë kanë të përbashkët Mitsotakis me Melonin dhe kë duan shqiptarët