“Tinëzare”, Berisha për Nikollën: Futi në rend dite kërkesën për Komisionet Hetimore

Kërkesa e opozitës për ngritjen e Komisioneve Hetimore u fut në rend dite pas miratimit të Rezolutës për Kosovën.

Sipas Sali Berishës, ky veprim i kryeparlamentares, Lindita Nikolla ishte jo vetëm tinëzar, por një akt rrugaçërie i papërsërishtshëm.

“Pak çaste më parë shqiptarët panë një akt rrugaçërie të papërsëritshëm. Ajo që kryen detyrën e kryetarit, faktikisht, një njeri i keqpërdorur nga Rama, duke shkelur me të dyja këmbët rregulloren, futi në rend dite pasi u votua Rezoluta, atë që s’mund të ndodhte kurrë. Në çdo parlament rendi miratohet në mëngjes. Në mënyrë tinëzare, futi kërkesat e opozitës për ngritjen e Komisioneve Hetimore,” – tha Berisha në një deklaratë për mediat pas përfundimit të seancës plenare.

LEXONI GJITHASHTU:

• Spiropali: Berisha do më shumë partinë se atdheun, Nokën para flamurit
• Berisha: Fjalimi i Ramës ishte shkruar në zyrat e Vuçiçit, cili ishte qëllimi i tij