Tirana gjen zëvendësuesin e Shkëmbit, prezantohet trajneri i ri

Tirana duket se e ka zgjidhur në kohë rekord çështjen e pankinës, ku në krye të klubit bardheblu është prezantuar Gugash Magani. Këtë të mërkurë, në faqen zyrtare të bardhebluve është njoftuar se është arritur akordi me teknikun në fjalë, i cili menjëherë ka zhvilluar edhe seancën e parë stërvitore, ndërsa i kërkohet që skuadra të ndryshojë paraqitje që në ndeshjen e radhës. Magani është një njohje e vjetër e presidencës, pasi e ka drejtuar edhe më parë Tiranën, konkretisht në periudhën 2013-2015, si dhe ka një eksperiencë të madhe në drejtimin e klubeve në Superligë.

Magani vjen menjëherë pas eksperiencës te Lushnja, nga ku u largua pak javë më parë për shkak të rezultateve jo pozitive, ndërsa tanimë do të drejtojë klubin bardheblu, për t’i dhënë fund krizës. Tirana nuk ka fituar asnjë nga 5 ndeshjet e fundit në kampionat dhe renditet në vendin e shtatë në tabelën e klasifikimit me 11 pikë të grumbulluara.

LEXONI GJITHASHTU:

• Tirana pa spektatorë, Pogoni: Shkak-pasojë, lojtarët e Vllaznisë provokuan tifozët
• Tirana pa trajner, shkarkohet Bledi Shkëmbi