Detajet, sekuestrohen pasuri me vlerë mbi 26 milionë € të një 45-vjeçari në Tiranë

Pas Prokurorisë së Tiranës, edhe Policia e Tiranës ka reaguar me një deklaratë zyrtare në lidhje me sekuestrimin e pasurive të 45-vjeçarit Kristjan Koni, alias Olsi Meta, si dhe të familjarëve të tij.

Sipas Policisë, Prokuroria e Tiranës ka sekuestruar pasuri me vlerë tregu rreth 26 milionë e 500 mijë euro. Konkretisht, janë sekuestruar: 19 prona, 2 automjete dhe 20 llogari bankare, të regjistruara në emër të Kristjan Konit ose të familjarëve të tij.

Në njoftimin e Policisë thuhet se Specialistët e Seksionit për Hetimin e Pastrimit të Parave, në bashkëpunim me specialistët e Agjencisë së Administrimit të Pasurive të Sekuestruara dhe të Konfiskuara, në kuadër të një procedimi penal të drejtuar nga prokurori Ndini Tavani, kanë ekzekutuar vendimin e Gjykatës së Tiranës për sekuestrimin e këtyre pasurive.

“Kristjan Koni, alias Olsi Meta, 45 vjeç, është i dënuar më parë për veprat penale “Vrasja me paramendim” dhe “Trafikimi i lëndëve narkotike”, kryer në kuadër të një grupi të strukturuar kriminal”, thuhet në njoftim.

Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi.

Njoftimi i plotë i policisë

“Sekuestrohen pasuri me vlerë 26 milionë e 500 mijë euro, në pronësi të një 45-vjeçari, i dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Specialistët e Seksionit për Hetimin e Pastrimit të Parave, në bashkëpunim me specialistët e Agjencisë së Administrimit të Pasurive të Sekuestruara dhe të Konfiskuara, në kuadër të një procedimi penal të drejtuar nga Prokuroria e Tiranës, ekzekutuan vendimin e Gjykatës së Tiranës, për sekuestrimin e pasurive në pronësi të shtetasit Kristjan Koni alias Olsi Meta, 45 vjeç, i dënuar më parë për veprat penale “Vrasja me paramendim” dhe “Trafikimi i lëndëve narkotike”, kryer në kuadër të grupit të strukturuar kriminal.

Pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi.

Materialet procedurale iu referuan Prokurorisë së Tiranës, për veprime të mëtejshme”, thuhet në njoftim.

Mbi 26 milionë euro është vlera e pasurive të sekuestruar të një të dënuari më parë për vrasje dhe trafikimi të lëndëve narkotike.
Sipas Prokurorisë së Tiranës këto pasuri dyshohet të jenë përfituar në mënyrë të paligjshme nëpërmjet veprimtarisë kriminale. pic.twitter.com/b4JZjGESpF

— Euronews Albania (@EuronewsAlbania) August 28, 2025

LEXONI GJITHASHTU:

• Mjete luksoze e prona, sekuestrohen pasuritë e të dënuarit për trafik droge në Itali
• SPAK sekuestron 25 pasuri të pjestarëve të një grupi të dënuar në Belgjikë