Tiranë: Zbardhen 9 raste vjedhjesh, arrestohen dy persona me precedent penal

Shërbimet e Policisë së Tiranës kanë zbardhur 9 raste vjedhjesh, duke vënë në pranga dy autorët e dyshuar, të cilët kanë precedent për të njëjtin krim.

Pas veprimeve hetimore dhe operacionale të komisariateve nr. 2 dhe nr. 3, menjëherë pas kallëzimeve të qytetarëve, janë identifikuar dhe arrestuar shtetasit E. S., 26 vjeç, dhe A. Z., 32 vjeç, banues në Tiranë.

Ata dyshohet se kanë kryer vjedhje në 4 subjekte, si dhe kanë vjedhur 5 motomjete elektrike dhe biçikleta. Policia vijon hetimet për të zbuluar nëse dy të arrestuarit lidhen edhe me vjedhje të tjera.

Materialet i janë referuar Prokurorisë së Tiranës për veprime të mëtejshme.