Tjetër aksident me vdekje në Divjakë brenda pak minutave, ndërron jetë një grua

Një tjetër aksident me vdekje është shënuar brenda pak minutave në Divjakë, ku sipas informcioneve paraprake nga dalja e një automjeti nga rruga ka ndërruar jetë pasagjerja dhe është lënduar drejtuesja e automjetit.

E lënduara është dërguar në spital dhe po merr kujdesin e nevojshëm mjekësor, ndërkohë që grupi hetimor po vijon punën për zbardhjen e rrethanave të aksidentit.

“Rreth orës 17:00, në aksin rrugor “3 urat-Çermë”, shtetasja B. A., duke drejtuar automjetin tip “Opel” ka humbur kontrollin mbi drejtimin e automjetit dhe për pasojë automjeti ka dalë nga rruga.

Si pasojë, ka ndërruar jetë pasagjerja në automjet, shtetasja H. A., si edhe është dëmtuar dhe po merr ndihmën mjekësore në spital, drejtuesja e automjetit, shtetasja B. A.

Grupi hetimor po punon për zbardhjen e shkaqeve të aksidentit”, thuhet në njoftimin e policisë.

Kujtojmë se vetëm 30 minuta më herët një tjetër aksident ndodhi në Divjakë, ku nga dalja e një makine nga rruga ndërroi jetë drejtuesi i mjetit dhe u plagosën 4 të tjerë.

LEXO GJIHASHTU:

• Aksident i rëndë në Divjakë, 1 i vdekur dhe disa të plagosur
• Kush e organizoi vrasjen e Edmond Papës, lidhja me ekzekutimin makabër të Sadikajt
• Vrasja e kuksianit në Prizren, autori i dyshuar personazhi i njohur si “Kobra”