Vrasja e kuksianit në Prizren, autori i dyshuar personazhi i njohur si “Kobra”

Policia e Kosovës ka konfirmuar shqoqërimin e pronarit të lokalit, “Kobra City” në Prizren, Dibran Hoxha, si të dyshuar për vrasjen e 31-vjeçarit shqiptar me origjinë nga Kukësi.

Ngjarja ndodhi në orët e para të mëngjesit të kësaj të marte, ku në ambientet e lokalit u vra me armë zjarri 31-vjeçari, si dhe u plagos shoku i tij 27-vjeçar.

Të dy viktimat janë nga Kukësi, ndërsa paraprakisht dyshohet se autori të jetë pronari i lokalit, Dibran Hoxha, i njohur gjerësisht në rrjete sociale si “King Kobra”.

“Po intervistohet stafi i lokalit ku ka ndodhur rasti dhe dëshmitarët okularë. Po ashtu, po intervistohet edhe pronari i lokalit si i dyshuar”, deklaroi Togeri nga Policia e Kosovës në Prizren, Shaqir Bytyqi, për KosovaPress.

Lajmi për vrasjen u konfirmua fillimisht nga Policia e Shtetit në Shqipëri, ku u bë me dije se dy të plagosurit u transportuan me urgjencë drejt spitalit të Kukësit dhe se njëri prej tyre nuk mundi të mbijetonte.

“Në Morinë, rreth orës 04:25, të mëngjesit, kanë hyrë për në drejtim të spitalit rajonal të Kukësit, shtetasit  V. C., 31 vjec, dhe R. Sh.,  27 vjeç,  që transportoheshin me automjet nga shtetasi A . B.,  të tre nga Kukësi, ku shtetasit V. C dhe R. SH , ishin të plagosur me armë zjarri në Prizren të Kosovës. Si pasojë e plagëve të marra shtetasi V. C., ka ndërruar jetë gjatë rrugës, ndërsa shtetasi R. Sh., ndodhet në spital nën kujdesin e mjekëve”, thuhej në njoftim.

LEXO GJITHASHTU:

• EMRI| Arrestohet autori i vrasjes së Edmond Papës, në kërkim bashkautori
• Kush e organizoi vrasjen e Edmond Papës, lidhja me ekzekutimin makabër të Sadikajt
• Vrasja e Edmond Papës, gjykata lë në burg Albano Velon, 30-vjeçari mohon akuzat