Një sulm rus ndaj qytetit të Samit, në Ukrainë, ka lënë të vrarë disa dhjetëra persona, kanë bërë të ditur autoritetet lokale.

Ngjarja ka ndodhur në ditën e festës së krishterë që i paraprin Pashkës e ku shumë ukrainas u drejtohen kishave.

Sipas zyrtarëve vendas, edhe numri i të plagosurve është shumë i lartë dhe aktualisht llogaritet në mbi 80 persona.

Duke reaguar, presidenti Zelensky deklaroi se sulmi me raketa goditi rrugën e një qyteti të zakonshëm ku njerëzit jetojnë normalisht. Ai e etiketoi atentati si “të tmerrshëm” dhe theksoi se bota duhet të përgjigjet me vendosmëri.“Ajo që duhet është një qasje siç e meriton Rusia terroriste”, tha Zelensky.

Duke postuar në kanalin e tij në rrjetin “Telegram”, presidenti tha se negociatat e deritanishme mes Shteteve të Bashkuara dhe Rusisë nuk i kanë ndalur sulmet e kësaj të fundit. Dhe faktikisht, deri tani bisedimet nën patronazhin e Uashingtonit kanë dështuar të çojnë drejt një armëpushimi konkret.

I dërguari i posaçëm i presidentit Trump për Ukrainën, gjenerali Keith Kellogg ka propozuar si zgjidhje opsionin që Ukraina të ndahet në dy zona, sipas shembullit të Berlinit, pas vitit 1945.

Por pas polemikave që shkaktoi, i përzgjedhuri nga shefi i Shtëpisë së Bardhë u detyrua të tërhiqej.

LEXONI GJITHASHTU:

• Rutte jep alarmin: Moska po zhvillon kapacitetet bërthamore hapësinore
• Mbi 20 të vdekur nga një sulm rus me raketa në Sumi të Ukrainës