Tjetër humbje për Mançesterin, Arsenali mposhtet në Derbi

Kampionët në fuqi i kanë dhënë lamtumirën kupës së ligës, e bëhet fjalë për Manchester United, i cili po kalon një formë negative në të gjitha kompeticionet. Ekipi i Ten Hag u mposht nga Newcastle, në një ndeshje të dnominuar nga qymyrxhinjtë, të cilët shënuan 3 gola. Almiron e Hall në pjesën e parë dhe Willock në fraksionin e dytë sollën fitoren 0-3 në Teatrin e ëndrrave, duke prerë kështu një biletë për në raundin pasardhës.

Në përballjet e së mërkurës bie në sy humbja e Arsenalit në derbin me West Ham. Të besuarit e Artetës e patën tepër të vështirë të reagojnë, pasi në pjesën e parë shënuan një autogol. Edhe në të dytën vendësit ishin më të vendosur ku dyfishuan me Kudus e më pas ishte radha e Bowen për 3-0. Në anën tjetër topçinjtë gjetën golin e vetëm në limite, me Martin Odegaard, por pa mundur të reagojnë më tepër.

Një tjetër ekip i Londrës që siguroi fitoren është Chelsea, ndërsa kundërshtari i radhës ishte Blackburn. 2 gola të shënuar nga Badiashile e Sterling mjaftuan që blutë të regjistronin triumf në shtëpi. Gakpo dhe Nunez ishin heronjtë e Liverpool në përballjen e kupës, ndërsa goli i vetëm për Bournemouth u shënua nga Kluivert. Në sfidat e tjera, Fulham mundi Ipsëich dhe Everton Burnleyn.

LEXONI GJITHASHTU:

• Manchester City merr kreun, Chelsea pëson një tjetër humbje
• Manchester United blihet nga sheiku i Katarit për 6 miliardë euro