“TKOB” del nga teatri, trupa e baletit performon në amfiteatrin antik të Durrësit

Trupa Kombëtare e Operas dhe Baletit ka dalë nga skena e teatrit. Mbrëmjen e së enjtes ajo performoi në ambient të hapur në Amfiteatrin e Durrësit.

Në vendin ku e shkuara bashkohet me të tashmen, trupa solli klasiken dhe modernen bashkë në skenë, si një lavd për natyrën.

 “Ne sjellim një pjesë të titulluar “Humus” është një pjesë që ka të bëjë shumë me ambientin me gjithë gjënë që na rrethon, me mënyrën se si duhet të sillemi me tokën dhe me planetin. Më ka impresionuar shumë është shumë domethënëse. Lidh këtë botën e keqe me atë që ka qenë dikur. Kam përshtypjen se gjërat që bëhen tani nuk kanë për të jetuar më kurrë kaq gjatë sa kanë jetuar këto”,-tha balerina Rovena Shqevi

Me një skenë më të vogël se e zakonshmja, performanca erdhi përpara artdashësit durrsak e modifikuar dhe e përshtatur për ambiente të hapura.

“Vështirësitë janë që nga skena nga platforma e cila ëhstë pak më lart, bordet janë të hapura, për ne përbën pak problem, ndriçimi po ashtu”, -tha balerina Rovena Shqevi

“Mesazhi përcillet dhe koreografi e sjell në mënyrën që edhe pse pjesa reduktohet, mesazhi jepet dhe pjesa nuk prishet. Spektatori e merr mesazhin që ne japim”,-tha  Livia Lara, balerinë.

Të mësuara me të pasurit publikun larg, për balerinat ky është një emocion i rrallë.

“Fakti që publiku është shumë afër është shumë emocionuese, se ne jemi mësuar ta kemi publikun larg dhe paksa poshtë dhe kështu është shumë më emocionuese”,-tha  Rovena Shqevi, balerinë.

Ndonëse i paktë në numër, publiku shijoi performancën, e herë-herë e shoqëroi atë me duartrokitje.

LEXONI GJITHASHTU:

• Plan kundër Rusisë/ NATO, projekt me 4.400 faqe për t’u mbrojtur nga kërcënimi
• Plagoset rëndë 50-vjeçari në Sarandë, thyen të dyja këmbët pas përplasjes me makinë