Tkurrja e popullsisë në rritje, eksperti rendit arsyet

Drejtues i qendrës së studimeve ekonomike dhe sociale Ilir Gëdeshi deklaroi se tkurrja e popullsisë ka ardhur prej disa faktorëve që kanë bashkëvepruar në të njëjtën kohë.

Fertiliteti në ulje ishte një prej tyre. Që ky faktor të ishte në ritmin e duhur, fertiliteti për grua duhet të ishte 2,1 dhe aktualisht është 1,6.

Gëdeshi tha për “Mirëmëngjes” në Euronews Albania se ritmet e larta të emigracionit janë një tjetër faktor. 30 vitet e fundit emigrimi ka pësuar trend rritës dhe sipas tij, bëhet fjalë për mbi 1,7 milionë shqiptarë që jetojnë në Evropë dhe Amerikën e Veriut.

INSTAT raporton se popullsia është tkurrur me 1,3 për qind krahasuar me një vit më parë. Për Gëdeshin kjo është një shifër e lartë duke qenë se dhe tendenca e emigrimit është e lartë.

“Para 2-3 vjetësh ne e matëm këtë fluks emigrimi të popullsisë shqiptare dhe rezulti që 52 për qind e grupmoshës 18 deri në 40 vjeç dëshironte të emigronte,” – u shpreh Gëdeshi.

LEXONI GJITHASHTU:

• Sociologia Dhamo: Emigrimi, arsyeja e rënies së numrit të nxënësve