Tmerr në Kiev, nis shpërndarja e pilulave me jod kaliumi, ç’po ndodh në Ukrainë?

Në Kiev ka nisur shpërndarja e pilulave me jod kaliumi nëpër qendra evakuimi – çfarë janë ato dhe sa real është rreziku i një sulmi bërthamor në Ukrainë?

Pilulat me jod kaliumi po shihen si një formë përgatitjeje për një sulm të mundshëm bërthamor në kryeqytetin e Ukrainës.

Përgatitja vjen mes frikës për një sulm nga Rusia ku prej 2 ditësh, raportime në mediat perëndimore dhe zhdukja e nëndetëses bërthamore më të madhe ruse Poseidon, po ngjallin frikën jo vetëm të ukrainasve por edhe të të gjithë botës.

Bashkia e Kievit ka raportuar se ka nisur shpërndarja e këtyre pilulave në qendrat e evakuimit në përgatitje për një sulm të mundshëm bërthamor rus në kryeqytetin e Ukrainës.

Pilulat e jodit të kaliumit mund të ndihmojnë në bllokimin e përthithjes së rrezatimit të dëmshëm nga gjëndra tiroide nëse merren pak para ose menjëherë pas ekspozimit ndaj rrezatimit bërthamor.

Pilulat do t’u shpërndahen banorëve në zonat e kontaminuara nga rrezatimi bërthamor nëse ka nevojë për evakuim, tha këshilli i qytetit në një deklaratë – në mes të pushtimit shkatërrues të presidentit rus Vladimir Putin në Ukrainë.

Putin ka thënë se do të ‘përdorte të gjitha mjetet në dispozicionin e tij’ për të fituar luftën.

Frika po rritet se Putini do të përdorë një sulm shkatërrues bërthamor për të mposhtur Ukrainën, ndërsa trupat e tij tokësore vazhdojnë të pësojnë disfata të njëpasnjëshme.

LEXONI GJITHASHTU: 

• NATO i trembet ‘testit të Poseidonit’, zhduket nëndetësja ruse nën Arktik
• Putin shpall ‘luftë të shenjtë’ kundër Perëndimit
• Pse referendumi i sotëm rrezikon ‘fillimin e fundit të luftës’ në Ukrainë?