Tokë pa taksa për gratë dhe të rinjtë, stimulohet investimi në agroturizëm

Gratë dhe të rinjtë do të kenë mundësi të shtuara për të investuar në turizmin rural. Qeveria synon të ulë taksat për këto grupime, nëse do të kërkojnë të ngrejnë biznese agroturistike.

Gratë dhe të rinjtë do të kenë mundësinë të përfitojnë nga lehtësirat në taksa nëse zgjedhin të investojnë në strukturat e agroturizmit në vend.

Për të nxitur zhvillimin e sektorit, qeveria synon që deri në 2027 të ndërmarrë një sërë hapash për të stimuluar këtë kategori të përfshihet në këtë sektor. Në dokumentin që ka nxjerrë për konsultim, e që i përgjigjet strategjisë së turizmit rural, parashikohet që “numri i grave biznesmene të arrijë në 55% brenda vitit 2027, numri i të rinjve biznesmenë 40%, falë reduktimit të taksave për blerje të tokave nga ta.

Si një hap pas zhvillimit të turizmit në vend, kjo veprimtari pritëse që zhvillohet në një fermë ose strukturë tjetër bujqësore, nëpërmjet strategjisë pritet të rrisë numrin e strukturave, shërbim më cilësor, digjitalizim dhe më shumë bashkëpunim bujqësi-turizëm

Në vendin tonë, deri më tani, numri i strukturave të certifikuara të agroturizmit është 25 dhe këto biznese të shtohen me ritëm të shpejtë gjatë viteve në vijim.

Sipërmarrësit e bujtinave dhe fermave agroturistike thonë se përballen me mungesën e mbështetjes dhe e probleme në infrastrukturësë, pengesa këto që nuk i lejojnë të zhvillohen.

LEXONI GJITHASHTU:

• Rama: Viti 2023 më i miri për Shqipërinë, rritje në turizëm, ekonomi e investime
• Turizëm kulturor në Durrës, vizitorët e huaj të interesuar për historinë e qytetit