Trafik droge dhe plagosje e rëndë, arrestohen 2 shtetas të shpallur në kërkim

Forca e Posaçme “Shqiponja” dhe efektivët e Komisariatit të Policisë Vlorë kanë arrestuar dy shtetas të shpallur në kërkim.

Në pranga u vu shtetasi  H. R., 34 vjeç, banues në Vlorë. Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Vlorë e ka dënuar me 3 vjet e 4 muaj burgim, për veprën penale “Prodhimi dhe shitja e narkotikëve.” (Nga dënimi i kanë mbetur për të kryer 2 vjet e 3 muaj);

E. H., 21 vjeç, banues në Vlorë. Ky shtetas ishte shpallur në kërkim, pasi Gjykata e Shkallës së Parë e Juridiksionit të Përgjithshëm Vlorë i ka caktuar masën e sigurisë “Arrest në burg”, për veprën penale “Plagosja e rëndë me dashje.”, sepse më datë 24.09.2024, dyshohet se ka plagosur me thikë shtetasin K. Sh., 23 vjeç, banues në fshatin Vranishtë, për motive të dobëta.

LEXONI GJITHASHTU:

• U gjenden 150 skedina në telefon, arrestohen punonjësi i bashkisë dhe miku i tij
• Trafikonin kokainë nga Amerika Latine në Itali, arrestohen në Shqipëri 2 persona