Trafikoi 2 mjete luksoze të vjedhura në Itali, arrestohet 33-vjeçari nga Lezha

Policia e Vlorës ka arrestuar një person të shpallur në kërkim për trafikim në Shqipëri të automjeteve të vjedhura.

Në bashkëpunim me shërbimet e Policisë Kufitare në Portin e Durrësit, u ndalua shtetasi F. M., 33 vjeç, banues në Lezhë.

Ky shtetas ishte shpallur në kërkim, pasi dyshohet se ka bashkëpunuar me 2 shtetasit e proceduar penalisht ditën e djeshme, në kuadër të operacionit “Luxury cars”, për trafikimin në Shqipëri të 2 automjeteve të vjedhura në Itali, me vlerë rreth 280 000 euro, duke iu bërë ndryshime në elementet identifikuese dhe duke i pajisur këto automjete me dokumente false, me qëllim shitjen në vendin tonë.

Materialet procedurale i kaluan Prokurorisë, për veprime të mëtejshme.

LEXONI GJITHASHTU:

• Mbante armë zjarri, municione dhe drogë në banesë, arrestohet 30-vjeçari në Vlorë
• EMRI| I dënuar me 8 vite burg për drogë në Itali, arrestohet në Vlorë 58-vjeçari