Tragjedia e emigrantëve në Itali, gazetari zbulon marrëveshjet

Gazetari Arbër Agalliu tha se emigrantët që kërkojnë të shkojnë drejt Italisë po lihen të vdesin në det.

Në një intervistë për Euronews Albania, ai theksoi se qeveria bëri një konferencë qesharake në lidhje me emigrantët.

Ai tha se skafistëve u është deklaruar luftë, ndërkohë që nuk është marrë asnjë masë për të ndihmuar emigrantët.

“Emigrantët po lihen të vdesin në det, autoritetet nuk kanë ndërhyrë. Pak ditë më parë u mblodh  qeveria në vendin ku ndodhi tragjedia dhe ka qenë një nga konferencat  për shtyp më qesharake që ka parë Italia. Skafistëve u është deklaruar luftë dhe nuk është folur për masat që mund të ndërmerren për të ndihmuar emigrantët që rrezikojnë jetën në det. Nuk jemi në dijeni për ato situatat ku emigrantët ndalohen nga forcat e qeverisë në Libi”- tha ai.

Reagimet vijnë pasi në fund të shkurtit në Itali me 180 emigrantë u përmbys.

Të paktën 43 trupa u gjetën në bregdetin jugor të Italisë ndërkohë u raportua se 59 persona kishin humbur jetën në tragjedi.

LEXONI GJITHASHTU: 

• KPK shkarkon nga detyra gjyqtaren e Tiranës
• EMRI| Humbi në Karaburun, gjendet në gjendje të mirë shëndetësore gruaja