Trajneri Franko Foda publikon listën e lojtarëve të thirrur te Kosova

23 lojtarë janë thirrur nga përfaqësuesja e Kosovës në futboll në kuadër të miqësoreve të muajit qershor. Trajneri Foda ka preferuar një numër jo të madh të lojtarëve që do të stërvisë në këtë periudhë, duke marrë thuajse të njëjtin shembull si Silvinho, për të pasur pjesë të grupit 23 futbollistë. Mustafë Abdullahu, portieri i Tiranës është thirrur për herë të parë nga kombëtarja A e futbollit, së bashku me dyshen Muric e Bekaj, teksa edhe ky i fundit ka luajtur me bardheblutë më herët.

Në repartin difensiv janë thirrur 7 lojtarë me në krye kapitenin Rrahmani, më tej Vojvoda, Hadërgjonaj, Krasniqi, Aliti, Dellova e Paqerada. Në repartin ofensiv mungojnë emra si Rashica, Celina, Zeneli, ndërsa nuk dihet arsyeja e mosthirrjes së tyre. Kujtojmë që Rashica nuk luajti as në ndeshjen e fundit në kampionatin turk me Besiktas.

Në mesfushë e sulm ka emra si Valon Berisha, Idrizi, Emërllahu, Smakaj, Zhegrova, Bernard Berisha, Zeqiri, Hazrollaj, Krasniqi, Muriqi, Albion Rrahmani, Hyseni e Elbasan Rashani. Kosova do të luajë ndeshje miqësore ndaj Norvegjisë më 5 qershor në orën 19 në Oslo, ndërsa kanë dalë në shitje edhe biletat.