Trefishim të çmimit të vezëve nëse s’ka import, paralajmëron biznesmeni

“Do të ketë rritje të çmimit të vezëve nëse situata nuk menaxhohet me import”.

Kështu deklaroi përfaqësuesi i një prej stabilimenteve të prodhimit të vezëve në Durrës, Andi Duka për “Euronews Albania” sa i përket ngordhjes së pulave nga gripi i shpendëve.

“50% e kërkesës së tregut do mungojë. Kjo do të sjellë ngritje çmimesh të çuditshme nëse nuk menaxhohet me import. Çmimi do të rritet 3-fish”, shprehet ai.

Duka tregoi se në biznesin që përfaqëson të gjitha kapanonet për pulat janë bosh dhe se ambientet po sterilizohen deri në rimbushjen e tyre në muajin gusht.

“Po presim nga shteti të ngrihet një komision vlerësimi që duhet të identifikojë dëmin e shkaktuar. 2.5 mln euro është dëmi ekonomik”, tha ai.

LEXONI GJITHASHTU:

• Shfarosen 11% e pulave, 560 mijë shpendë të ngordhur nga gripi
• Gripi i shpendëve, Elezi: Veterinerët të mbështeten si mjekët për COVID-19
• Gripi i shpendëve, 3 pelikanë të ngordhur në Liqenin e Prespës