Tregu i makinave shënon rekord në Shqipëri, numri i mjeteve që hyjnë në muaj

Viti 2024 shënoi një rekord të ri në tregun e makinave, pasi në vendin tonë hynë 99 440 të tilla. Në raport me vitin 2023, janë 21 mijë mjete më shumë, cka tregon për një shtesë importi rreth 25%.

Me numrat në fjalë, çdo muaj kanë hyrë 8300 makina, të cilat janë regjistruar për t’u shitur në treg

Oferta në treg për makina ka qenë e lartë, teksa në rrugët kombëtare dhe qendrat e mëdha urbane, trafiku është shtuar dhe mundësitë për të gjetur një vend qëndrimi po kufizohet ndjeshëm.

Shifrat tregojnë se 1 në 5 makina erdhi nga Koreja e Jugut, shtet i cili kaloi për herë të parë Italinë dhe Gjermaninë për sasinë e makinave të importuara.

Sipas llojit, janë 3 marka që kanë dominuar këtë periudhë, Volksavageni, Mercedesi dhe Audi të cilat përbëjnë 55 % të gjithë flotës.

80% e makinave që kanë ardhur këtë vit janë prodhuar para vitit 2015, çka tregon se pjesa dërrmuese e blerësve do të ngasin një mjet me kilometrazh më të lartë se 100 mijë km.

Rreth 40% e makinave porositen nga Tirana, aty ku numri i mjeteve aktive të regjistruara ka arritur 370 mijë, ndërsa në të gjithë vendin, ky numër është 925 mijë.

LEXONI GJITHASHTU:

• Kufizohet përdorimi i makinës, lëvizja në ditë të caktuara të javës, sipas targave
• Sa do të rritet siguracioni për makinat vitin e ardhshëm? Gazetari zbulon shifrat