Treni elektrik, “lokomotiva” e gjyqeve të humbura

Humbjet në Gjykatat e Arbitrazhit e kanë zanafillën në vitin 2003 ku qeveria e drejtuar nga kryeministri Fatos Nano, i dha kompanisë amerikane “General Electric”, kontratën për ndërtimin e linjës hekurudhore Tiranë-Durrës, të njohur si treni elektrik.

Por, pas rotacionit politik në vitin 2005, qeveria e udhëhequr nga ish-kryeministri, Sali Berisha prishi në mënyrë të njëanshme kontratën. Në vitin 2007, Gjykata e Romës në Itali, ngarkoi me përgjegjësi qeverinë shqiptare për prishje të njëanshme të kontratës, duke e ndëshkuar me 20 milionë dollarë.

Paratë nuk u arkëtuan asokohe nga thesari, por kompania amerikane, ngjashëm si Becchetti sot, sekuestroi të ardhurat e Shqipërisë nga Eurokontrolli, rrjeti evropian i monitorimit të trafikut ajror.

“Kjo lloj performance dhe kjo lloj mënyrë sjelljeje e shtetit, qoftë përmes zgjidhjes së kontratave, pa marrë një mendim të specializuar, kam bindjen që ka qenë burim konflikti dhe është shfrytëzuar nga operatorët e huaj për ta kthyer rezultatin e gjykimeve në favorin e tyre”- thotë Fatos Lazimi, ish-anëtari i Gjykatës së Arbitrazhit, ICC Paris

“Ka një specifikë për Arbitrazhet ndërkombëtare, sepse janë në bazë konvente dhe në bazë të marrëveshjeve biletarale, ajo ekzekutohet edhe në shtete të tjera përvec Shqipërisë. Ka shumë investitorë që nuk duan të vijnë në gjykatën shqiptare, sepse e konsiderojnë se është nën trysninë e qeverisë, dhe në të tilla kushte ata preferojnë ta njohin në BE ku mund të gjenden asete të Repupblikës së Shqipërisë dhe llogari bankare etj”- thekson Ledina Mandia, ish-avokate e Përgjithshme e Shtetit.

LEXONI GJITHASHTU: 

• Debat i ashpër mes Beqirit dhe Dervishit: Fatmiri është vrarë natën, ke mospërputhje
• 3 padi në arbitrazh, kompanitë kërkojnë miliona euro