Treni përplas një grup punëtorësh, humbin jetën 11 persona në Kinë

Një aksident i rëndë është regjistruar në Kinë ku për pasojë kanë humbur jetën 11 persona. Aksidenti u regjistrua në Kinën jugperëndimore ku një tren u përplas me një grup punëtorësh.

Treni, i cili mbante pajisje monitorimi sizmik, po udhëtonte pranë një stacioni në provincën Yunnan kur goditi punëtorët. Sipas raportimeve ata kishin hyrë në shinat e trenit pa leje. Një hetim për shkaqet e aksidentit është duke u zhvilluar.

Administrata Hekurudhore e Kunmingut ka theksuar se përgjegjësit do të mbahen përgjegjës. Në vitin 2011 në provincën lindore të Zhejiang, 40 persona u vranë dhe 200 të tjerë u plagosën nga një aksident. Nëntë persona vdiqën në rrethana të ngjashme në vitin 2021, në provincën veriperëndimore të Gansu, ku një tren përplasi punëtorët.

LEXONI GJITHASHTU:

• Ish-presidenti i Perusë, Martin Vizcarra dënohet me 14 vjet burg për korrupsion
• Rritet në 69.785 numri i palestinezëve të vrarë nga sulmet izraelite në Gaza