Tritol lokalit në Shkodër

Një sasi tritoli ka shpërthyer në një lokal në Shkodër. Ngjarja ka ndodhur në një lokal ne zonën e Fermentimit.

Policia bëri me dije se rreth orës 05:50 të mëngjesit të sotëm, shtetasi Fran Kolbucaj, 65 vjeç, banues në lagjen “Skënderbeg”, Shkodër, ka njoftuar se kur ka shkuar për të hapur biznesin e tij (bar-kafe), ka konstatuar të thyer xhamin e derës  të këtij biznesi.

Nga veprimet paraprake të kryera nga grupi hetimor, dyshohet se para derës së këtij lokali, është hedhur një sasi e vogël lënde plasëse (amonit malor i prodhuar në mënyrë artizanale).

Grupi hetimor, në bashkëpunim me Prokurorinë, vijon punën në vendngjarje me qëllim zbardhjen e rrethanave të kësaj ngjarje, si dhe për identifikimin e kapjen e autorit.

LEXONI GJITHASHTU:

• PR mbështet Bardh Spahinë në Shkodër, Mediu: E majta po shkatërron familjen
• Kapet duke transportuar 13 emigrantë të paligjshëm, në pranga 66 vjeçari në Shkodër