Tritol mobilierisë në Fushë-Krujë

Në një mobilieri në Fushë-Krujë ka shpërthyer një sasi lëndë plasëse.

Policia tha se ngjarja ndodhi rreth orës 20:40, në aksin rrugor kryesor “Fushë Krujë-Tiranë”, në fshatin Arrameras, në ambientet e jashtme të një ndërtese (mobilieri) të marrë me qira nga shtetasi D. C., banues në fshatin Larushk, Fushë Krujë. Nga shpërthimi ka dëme të konsiderueshme materiale.

Burime për Euronews Albania bëjnë me dije se ndërtesa është e shtetasit Bujar Caraci, i cili ia ka dhënë me qira dhëndrit të vëllait, shtetasit  Desar Çangu, 28 vjeç, nga Larushku

Në vendngjarje kanë shkuar shërbimet e Policisë të cilat vijojnë kontrollet në zonë për kapjen e autorëve.

Në vendngjarje ndodhen drejtuesit vendorë të Policisë dhe grupi hetimor  dhe në drejtimin e Prokurorisë, vijon puna për zbardhjen e plotë të rrethanave të ngjarjes, identifikimin e kapjen e autorëve.

LEXONI GJITHASHTU:

• Shpërthim në gjykatën e Podgoricës, raportohet për 1 viktimë dhe disa të plagosur
• Zbardhet ngjarja e shpërthimit me tritol në Sarandë, arrestohet autori i dyshuar