Këshilli i Lartë Gjyqësor ka reaguar pas ngjarjes së ndodhur në orët e para të mëngjesit në Shkodër, ku gjyqtarit të shkallës së parë Tonin Sterkaj iu vu një sasi lënde plasëse në oborrin e banesës.

Përmes një reagimi të shpërndarë për mediat KLGJ “përcjell shqetësimin për këto akte që cenojnë rëndë sigurinë e gjyqtarit dhe përbëjnë kërcënim serioz për gjithë shoqërinë shqiptare”.

“Këshilli i Lartë Gjyqësor dënon aktin kriminal dhe i kërkon organit të akuzës hetimin, zbardhjen e ngjarjes dhe të nxjerrë para përgjegjësisë ligjore personat e përfshirë.

Këshilli i Lartë Gjyqësor i shpreh mbështetjen të gjithë gjyqtarëve të sistemit gjyqësor për të garantuar sigurinë e tyre, në mënyrë që të ushtrojnë detyrën pa frikën e kërcënimeve, pasi respektimi i funksionit dhe dinjitetit të tyre, është parakusht për një proces të rregullt ligjor, për një sistem drejtësie efektiv dhe efikas, por edhe për funksionimin normal të shtetit të së drejtës”, thuhet në reagimin e KLGJ.

LEXONI GJITHASHTU:

• Kaloi vetingun së fundmi, kush është gjyqtari të cilit iu vu tritoli në banesë
• EMRI| Shpërthim me lëndë plasëse në banesën e gjyqtarit në Shkodër