Trump: SHBA do ta mbajë ose do ta shesë naftën e sekuestruar nga Venezuela

Presidenti amerikan, Donald Trump ka deklaruar se SHBA-të do ta mbajnë ose shesin naftën bruto të cisternave që ka sekuestruar pranë brigjeve të Venezuelës, si dhe vetë anijet.

Komentet e presidentit amerikan erdhën ndërsa Uashingtoni vazhdon të ushtrojë presion mbi udhëheqësin e Venezuelës, Nicolas Maduro që të japë dorëheqjen.

“Ne do ta mbajmë atë. Ndoshta do ta shesim, ndoshta do ta mbajmë. Ndoshta do ta përdorim në Rezervat Strategjike. Po i mbajmë edhe anijet,” tha ai.

Administrata Trump ka akuzuar Venezuelën se përdor të ardhurat nga nafta për të financuar krimet e lidhura me drogën, ndërsa Karakasi i ka dënuar konfiskimet si “pirateri”. Ushtria amerikane ka sekuestruar dy cisterna nafte këtë muaj , përfshirë një të shtunën.

Roja Bregdetare e SHBA-së vazhdoi të ndiqte një cisternë të tretë nafte, të cilën autoritetet e përshkruan si pjesë të një “flote të errët” venezueliane të përdorur për të shmangur sanksionet e SHBA-së.

LEXONI GJITHASHTU:

• Gjoba deri në 1,000 euro për gjermanët që përpiqen të shmangin shërbimin ushtarak
• SHBA ndalon dronët e rinj të prodhuar në Kinë, përfshirë liderin global DJI