Trump vendos tarifa të reja për importet nga Kanadaja, Meksika dhe Kina

Presidenti amerikan Donald Trump ka njoftuar vendosjen e tarifave të reja për importet nga Kanadaja dhe Meksika (25%) dhe nga Kina (10%), duke theksuar se asgjë nuk mund t’i ndalojë këto masa.

Ai ka bërë një përjashtim për naftën kanadeze, duke vendosur një tarifë më të ulët prej 10%, ndërsa paralajmëroi masa shtesë për naftën dhe gazin natyror që do të shpallen në mes të shkurtit. Ky vendim shkaktoi rritje të çmimit të naftës dhe luhatje në tregjet financiare.

Trump hodhi poshtë mundësinë e shtyrjes së tarifave për partnerët tregtarë kryesorë dhe mohoi se vendimi ishte një mjet pazari, duke theksuar se SHBA ka deficite të mëdha tregtare me këto vende.

Ai paralajmëroi gjithashtu tarifa të reja për mallrat evropiane, përfshirë çelikun, aluminin, bakrin, ilaçet dhe mikroprocesorët.

Tarifat e shpallura nga Trump do të hyjnë në fuqi të shtunën, si pjesë e politikës së tij për të mbrojtur prodhimin vendas dhe për të luftuar emigracionin e paligjshëm dhe trafikimin e drogës.

LEXONI GJITHASHTU:

• Kina “hakmerret” ndaj BE-së, vendos taksë mbi importet e rakisë evropiane
• BE vendos tarifa të reja për importet e grurit nga Rusia dhe Bjellorusia