Trump vlerësohet me Urdhrin e Nilit, nderimi më i lartë në Egjipt

Presidenti egjiptian Abdul Fattah al-Sisi dha presidentit të SHBA-së Donald Trump Urdhrin e Nilit, që vlerësohet se nderi më i lartë i Egjiptit.

Çmimi u dha në shenjë njohjeje të kontributeve të Trump në mbështetjen e marrëdhënieve strategjike midis dy vendeve, sipas një deklarate nga Presidenca egjiptiane.

Urdhri i Nilit, i ashtuquajturi “Gjerdani i Nilit”, u jepet individëve në njohje të kontributeve të tyre të shquara në shërbim të Egjiptit ose njerëzimit.

Medalja është bërë prej ari të pastër dhe përmban një zinxhir me tre motive katrore të ndërthurura, secila me një lule ari rrethore, të zbukuruar me rubinë dhe gurë bruz, cepat e të cilëve janë të fiksuar në degët e zinxhirit.

Disa udhëheqës botërorë e kanë marrë atë, përfshirë ish- Presidentin e SHBA-së Jimmy Carter për rolin e tij në ndërmjetësimin e traktatit të paqes Egjipt-Izrael në Uashington në vitin 1979.

Mbretëresha Elizabeth II e Britanisë e mori atë në vitin 1975, dhe udhëheqësi i Afrikës së Jugut Nelson Mandela u nderua me Urdhrin e Nilit në vitin 1990.

LEXONI GJITHASHTU:

• Trump dhe Mahmoud Abbas takohen përpara nënshkrimit të Planit për Gazën
• Tarifat 100%, reagon Kina: Nuk i trembemi kërcënimit të Trump