Trupat ruse marrin kontrollin e Kherson, thotë kryebashkiaku

Fillimisht u raportua se Kherson u pushtua. Më pas autoritetet ukrainase e përgënjeshtruan lajmin.

Këtë të enjte kryebashkiaku Igor Kolykhaev tha se kontrolli i qytetit port kyç në Ukrainën jugore është në dorë të trupave ruse.

Sot Ukraina hyn në javën e dytë të luftës dhe që prej fillimit të pushtimit, Kherson është qyteti i parë i madh që është uzurpuar.

Kolykhaev, tha se trupat ruse kishin hyrë me forcë në ndërtesën e këshillit të qytetit dhe kishin vendosur një shtetrrethim për banorët.

Disa qytete janë nën bombardime intensive, ndërsa e mërkura ishte një nga ditët më shkatërruese të luftimeve.

Një hetim mbi krimet e mundshme të luftës dhe krimet kundër njerëzimit të kryera në Ukrainë është nisur nga Gjykata Penale Ndërkombëtare (IÇ) në Hagë.

Rusia ka pranuar për herë të parë se ka pësuar humbje të rënda ushtarake gjatë sulmit të saj në Ukrainë, me 498 trupa të vrarë dhe 1 597 të tjerë të plagosur, ndërkohë Ukraina thotë se humbjet e Rusisë shkojnë në mijëra.

LEXONI GJITHASHTU:

• OKB miraton rezolutë: Rusia të tërheqë të gjitha trupat nga Ukraina