Tubime në gjithë Francën për 1 Majin, incidente me policinë në Paris, Nantë, Lion 

Tubime u mbajtën sot në të gjithë Francën me rastin e Ditës Ndërkombëtare të Punës, dhe Konfederata e Përgjithshme e Punëtorëve (CGT) njoftoi se në to morën pjesë rreth 300,000 persona, ndërsa incidente u regjistruan në disa qytete, përfshirë Parisin.

Tubimet u mbajtën me kërkesa për paga më të mira, heqjen e reformave të pensioneve dhe u dëgjuan gjithashtu slogane kundër “Trumpifikimit të botës”, raportoi televizioni francez BFM.

Siç u tha nga CGT, u mbajtën mbi 260 takime në të gjithë vendin.

29 persona u arrestuan në Paris, dhe policia njoftoi se ky nuk është numri përfundimtar, pasi ndërhyrja e policisë kundër disa protestuesve të tjerë është duke vazhduar.

Gjatë festimeve të 1 Majit në Paris, u sulmua edhe stenda e Partisë Socialiste dhe të paktën dy persona u plagosën, njoftoi zëdhënësja e asaj partie.

Ministri francez i Brendshëm, Bruno Retaillo, dënoi sulmin ndaj përfaqësuesve të socialistëve dhe u ofroi atyre mbështetje.

Incidente pati edhe në Nantes, si dhe në Lyon, ku u arrestuan tetë persona.

LEXONI GJITHASHTU:

• Francë, aksione të policisë pas sulmeve ndaj burgjeve; goditen bandat kriminale
• India nënshkruan marrëveshje me Francën për të blerë 26 avionë luftarakë Rafale