Turistët ankohen për ndotjen, sezoni turistik me probleme. Plehra në plazhet publike

Ndonëse nuk e ka nisur ende zyrtarisht sezonin veror, Durrësi ka mirëpritur dhjetëra turistë në këtë fillim-maji.

Moti i mirë ka bërë që sezoni i rërës dhe detit të nisë më herët dhe me vizitorët e parë kanë ardhur dhe shqetësimet e para.

“Unë e dashuroj Durrësin, sepse kam lindur këtu, por s’më pëlqen pastërtia. Shumë pis. Para 2-3 ditësh pastrova këtu 2 thasë plot me mbeturina, kushedi sa kohë kishin këtu dhe kur vij prapë, prapë plot plehrat përtokë.”

Janë kryesisht emigrantët, që kthehen në atdhe, ata që shohin si shkaktarë të situatës vetë qytetarët.

“Shqiptari në shtëpi të vet është shumë i pastër, kurse në rrugë i hedhin të gjithë”

“Unë e shoh gjithmonë njësoj, nuk shikoj ndonjë ndryshim.”

Diferenca plazh privat-plazh publik është e madhe për ta, ndërsa shpresojnë që të paktën të kenë hapësira ku të vendosin çadrën e tyre gjatë verës.

“Privatët kanë ec shumë, si nga ana ekonomike, ashtu edhe nga servisi. Se e shikoj, që të gjithë lokalet janë gjithmonë plot.”

“Këtu është zonë private, duhet të marrësh çadër se s’bën. Nga këtu deri në fund komplet nuk ekziston plazhi i lirë, janë private.”

Me gjithë problematikat, që pushteti lokal synon t’i përmirësojë, nisja më herët e sezonit është një ogur i mirë, për qytetin që turizmin e ka motor të ekonomisë.

LEXONI GJITHASHTU: 

• “1 Maji”| Po marshonin drejt sheshit Taksim, Policia turke shpërndan protestuesit
• 1 Maji| Sa është niveli i papunësisë dhe sa të punësuar ka në Shqipëri