Turistët “shpërfillin” detin në Vlorë, gjermanët të interesuar për historinë

Turistët që kanë interes për të shkuarën e vendit tonë po shtohen. Ata janë kryesisht vizitorë nga Gjermania e Austria, të cilët edhe pse në moshë të thyer, vijnë në Shqipëri për t’u njohur me historinë dhe traditat e vendit tonë. Ata eksplorojnë me guida në kryeqytet, në Durrës, Sarandë, Korçë, Shkodër dhe Vlorë.

“Kemi mbërritur dje, ne kemi qenë në Tiranë, kemi fjetur në Durrës dhe më pas këtu në Vlorë, na pëlqen shumë”, thotë një turiste.

“Ne jemi një grup katolikësh, rreth 48 persona nga Austria, ne do të qëndrojmë një javë në Shqipëri, sot kemi qenë përreth qytetit të Vlorës, por ne nuk dimë ende aq shumë për këtë tokë, guida jonë po na shpjegon dhe na tha se Shqipëria ka filluar së fundmi të jetë një destinacion i bukur turistik”, shprehet një tjetër.

Drejtuar nga një guidë turistike shqiptare, 48 shtetas nga Austria ishin këtë të hënë pranë Sheshit të Flamurit, për t’ju drejtuar më pas shtëpive muze e monumenteve të tjera të trashëgimisë kulturore, duke e lënë vijën bregdetare në planë të dytë.

Sipas të dhënave nga pushteti lokal, gjatë muajit mars në qytetin bregdetar kanë hyrë nga porti i Vlorës 826 shtetas të huaj, të kombësive të ndryshme.

LEXONI GJITHASHTU:

• Gjermanët të dashuruar me Korçën/ Turistët e huaj tërhiqen nga klima
• Orteku vret turistët/ 3 persona humbin jetën