Turqia dënon nipin e Gylenit për terrorizëm

Nipi i klerikut Fethullah Gylen ka përfunduar në burg pasi u akuzua për terrorizëm, kanë raportuar mediat turke të martën.

Selahaddin Gylen u dënua me 3 vite dhe 4 muaj burg të martën në Ankara pas pretendimeve se ishte ‘i përfshirë në një organizatë terroriste’.

Ai ishte në kërkim nga Interpoli me kërkesë të Turqisë dhe u arrestua në Kenia në tetor të vitit 2020.

Presidenti i Turqisë, Recep Tayyip Erdogan, ka fajësuar Fetullah Gylenin si personin kyç pas grushtit të shtetit të pasuksesshëm ndodhur në 2016 dhe e ka cilësuar aleatin e tij të dikurshëm ‘lider terrorist’.

Gyleni, prej vitesh banor në Shtetet e Bashkuara, i ka hedhur poshtë gjithmonë akuzat se ishte i përfshirë në puçin kundër presidentit turk.

Asokohe u arrestuan dhjetëra mijëra persona me pretendimin se ishin pjesë e lëvizjes Gyleniste.

Që prej 2016, Ankaraja gjurmon pjesëtarët e dyshuar të kësaj lëvizje që jetojnë jashtë vendit, dhe pohon se ka ‘riatdhesuar’ disa dhjetëra persona.

LEXONI GJITHASHTU:

• Shqipëria mes ‘institucioneve paralele’ të Erdoganit e Gylenit 
• Erdogan kërkon nga Kuvendi t’i jepet fund gylenizmit në Shqipëri: I kanë rrënjët kudo
• Turku i dyshuar si “gylenist” Selami Simsek padit drejtorinë e Azilit