U angazhuan 600 forca policie, momenti i arrestimit të autprit që plagosi policin

Euronews Albania ka siguruar pamjet nga vendi ku u arrestuar Klered Bozhanaj, 42-vjeç, i cili pasditen e djeshme plagosi me armë zjarri efektivin e “Shqiponjave” Edlir Alleshi.

Mësohet se janë angazhuar dhe 600 forca policie për arrestimin e 42-vjeçarit.

Bozhanaj nuk ka bërë rezistencë në momentin e arrestimit.

Ngjarja ndodhi në “Kinostudio”, në rrugën “Hysen Xhura”, ku Bozhanaj ka qëlluar drejt efektivëve të policisë në momentin që këto po e ndjeknin me motorrë.

Sipas informacioneve 42-vjeçari ishte me precedentë të mëparshëm penalë për lëndë narkotike dhe se ishte përdorues i tyre.

Bozhanaj, kishte pak muaj që ishte kthyer nga Italia ku dhe kishte qenë emigrantë.

Ndërkohë efektivi i policisë, i cili mori një plumb në bark ndodhet jashtë rrezikut për jetën.

LEXONI GJITHASHTU: 

• Plagosi efektivin e “Shqiponjave”, arrestohet 42-vjeçari, sekuestrohet arma e krimit
• Projektligji për shtetësinë/ Balla: Qytetarët e Kosovës mos të testohen për gjuhën