Plagosi efektivin e “Shqiponjave”, arrestohet 42-vjeçari, sekuestrohet arma e krimit

Klered Bozhanaj, 42-vjeçari i cili plagosi ditën e djeshme efektivin e “Shqiponjave” Edlir Alleshi, është arrestuar këtë të enjte.

Policia bën me dije se në momentin që është arrestuar, Bozhanaj kishte me vete armën e përdorur gjatë krimit, e cila i është sekuestruar.

“Gjatë kërkimeve intensive të zhvilluara për kapjen e shtetasit Klered Bozhanaj, strukturat e Policisë kanë lokalizuar dhe ndaluar autorin e dyshuar. Në cilësinë e provës materiale është sekuestruar arma e zjarrit pistoletë, e përdorur gjatë krimit”- njofton policia.

Ngjarja ndodhi në “Kinostudio”, në rrugën “Hysen Xhura”, ku Bozhanaj ka qëlluar drejt efektivëve të policisë në momentin që këto po e ndiqnin me motorë.

Sipas informacioneve 42-vjeçari ishte me precedentë të mëparshëm penalë për lëndë narkotike dhe se ishte përdorues i tyre.

Bozhanaj, kishte pak muaj që ishte kthyer nga Italia ku dhe kishte qenë emigrantë.

Ndërkohë efektivi i policisë, i cili mori një plumb në bark ndodhet jashtë rrezikut për jetën.

LEXONI GJITHASHTU: 

• Policia publikon foton e re të autorit që plagosi efektivin e Shqiponjave
• FOTO/ Ky është efektivi i “Shqiponjave” që u plagos me armë në Tiranë