U arrestuan gjatë përleshjeve në Zveçan, vendoset masa e sigurisë për 2 serbët

Gjykata Themelore në Prishtinë ka bërë të ditur këtë të mërkurë, më 31 maj se është vendosur masa e paraburgimit për një muaj për dy persona të arrestuar gjatë përleshjeve në Zveçan para dy ditëve.

Ata dyshohet se ishin pjesë e përleshjes mes protestuesve dhe forcave të rendit më 29 maj në Komunën e Zveçanit. Atë ditë, të lënduar kishin mbetur rreth 30 ushtarë të KFOR-it gjatë tentimeve për t’i shpërndarë protestuesit.

Ndër tjerash, ata dyshohen për kryerjen e veprave penale “Bashkimi për veprimtari kundër kushtetuese me qëllim të sulmit kundër rendit kushtetues të Republikës së Kosovës”, “rrezikim të personave në mbrojtje ndërkombëtare” dhe “sulm ndaj personit zyrtar”, ndër tjera.

Kundër këtij aktvendimi, kanë të drejtë ankese në Gjykatën e Apelit, përmes Gjykatës Themelore në Prishtinë.

Protestat në këto komuna në veri të Kosovës, zona me shumicë serbe, filluan më 26 maj, kur grupe të serbëve lokalë u grumbulluan para objekteve komunale për të protestuar kundër hyrjes së kryetarëve të rinj shqiptarë të Zveçanit, Zubin Potokut dhe Leposaviqit në to.

LEXONI GJITHASHTU:

• Zbulohet pllaka e mistershme në Durrës, dyshohet se i përket shekullit të XI
• VIDEO| Tym dhe flakë në zemër të Rusisë, momenti kur dronët godasin Moskën