U arrestuan në protestën e opozitës, Gjykata e Elbasanit jep masat për 3 personat

Detyrim paraqitje vendosi Gjykata e Elbasanit për tre protestuesit e opozitës të arrestuar nga policia mbrëmjen e së martës.

Tre  opozitarët Edi Pojani,Hamza Lamçja dhe Arben Pjetri ranë në pranga për veprat penale “Organizimi dhe pjesëmarrja në grumbullime dhe manifestime të paligjshme”, “Pengimi i qarkullimit të mjeteve të transportit” dhe “Mosbindja ndaj urdhrit të punonjësit të policisë së rendit publik”.

Gjyqtarja e Elbasanit Yrfet Shkreli la në fuqi masën e kërkuar nga prokurori Gjergji Ceka.

Në seancën e cila u zhvillua me dyer të mbyllura jashtë u vu re pjesmarrja e lartë e efektivëve të policisë dhe eksponentëve të Partisë Demokratike në Elbasan.

LEXONI GJITHASHTU:

• Ibrahim Lici në vendngjarje? Dyshime për 1 person të 3-të në shënjestër të atentatit
• VIDEO| U vra në atentatin në Shkodër, si u kërcënua një muaj më parë Arlind Bushati