U arrestuan për drogë, 45 të arrestuarit transportohen nga Elbasani në Tiranë

Euronews Albania ka siguruar me pamje momentin kur 45 personat e arrestuar ditën e sotme po transportohen me autobus nga Elbasani drejt Tiranës.

Gazetarja Sara Demushi bën me dije se ky transportim po bëhet për shkak se ambientet e paraburgimit në Elbasan nuk kanë kapacitet për të mbajtur këto persona.

Të gjithë të arrestuar ndodhen në autobus ku janë të shoqëruar me oficer policie ndërkohë do të shoqërohen dhe me makinat e efektivëve.

Në orët e para të mëngjesit të së enjtes më shumë se 490 forca policisë janë angazhuar në një operacion kundër shpërndarjes së drogës në qarkun e Elbasnait. Si rezultat 45 persona janë vënë në pranga dhe 7 të tjerë janë shpallur në kërkim.

Sipas policisë, këta persona janë të përshirë në shpërndarjen e drogërave të forta në qytetet Elbasan, Cërrrik, Peqin, Belsh, Librazhd, Përrenjas dhe Pogradec.

LEXONI GJITHASHTU: 

• Megaoperacioni, arrestohen 45 persona për drogë, sekuestrohen kokainë heroinë e para
• Kurti publikon tetë pikat për de-përshkallëzim të situatës në Veri të Kosovës