“U dogjëm ne të mos digjen të tjerët”, gjyshi i Martinit: Duam vetëm drejtësi

Para Ministrisë së Arsimit ka nisur protesta e dytë për vrasjen e 14-vjeçarit Martin Cani. Prindër dhe përfaqësues të shoqërisë civile kërkojnë dorëheqjen e ministres së Arsimit Ogerta Manastirliu si përgjegjëse për mosfunksionimin e sigurisë në shkolla në rastin tragjik të të miturit.

Gjyshi i Martin Canit, në një fjalë të mbajtur në këtë protestë kërkoi drejtësi ndërsa bëri thirrje që kjo ngjarje të mos shfrytëzohet nga askush për të përfituar por për të shmangur përsëritjen e një tragjedie te fëmijë të tjerë.

“Duam vetëm drejtësi, askush të mos përfitojë nga rasti që ta shfrytëzojë. Nëse nuk do zgjidhet ky problem që Martini të shkojë atje ku duhet, unë do ta ndjek vetë këtë problem. Sikur ra Martini për hir të demokracisë, do bie edhe unë se nuk më duhet jeta. Të vihet drejtësia në vend, nuk dua të ketë keq askush”, tha gjyshi i të miturit.

I mituri Martin Cani u vra me thikë pranë shkollë Fan Noli, 1 javë më parë nga 14-vjeçari M.L, pas një konflikti verbal që të miturit, të dy nxënës të shkollës në fjalë kishin pasur më herët.

LEXONI GJITHASHTU:

• EKSKLUZIVE/ Flet për herë të parë për ‘Review’ Luis Meçe: Më gjuajti me thikë 6 herë
• Kapet me thikë 14-vjeçari në Tiranë