U dorëhoq pasi u dha çmimi Nobel për Letërsinë në 2019, Leandoer: Proces jo-transparent

Ish-anëtari i Komitetit Nobel Krisroffer Leandoer tha se dorëheqja e tij pasi u dha çmimi për Peter Handke në vitin 2019 ishte prej mungesës së transparencës.

Në një intervistë për Euronews Albania ai sqaroi se nuk kishte asnjë problem me Handke si autor, por me mënyrën si u zhvilluar procesi i ndarjes së çmimeve Nobel për Letërsinë.

“Unë dhashë dorëheqjen në shenjë proteste, jo veçanërisht për Handke si autor, ai është autor i mirë dhe person problematik, por kështu kanë qenë shumë fitues të çmimit Nobel. Kanë pasur disa këndvështrime të neveritshme, shumë prej tyre. Por unë protestova kundër mënyrës si u zhvillua procesi. Nuk mendoj që ishte transparent, i hapur dhe gjithashtu dhashë dorëheqjen sepse nuk ishte formuluar në mënyrë korrekte,” – deklaroi Leandoer.

Sipas tij nuk mund të japësh çmim për një person si Handke pa përmednur deklaratat e tij. Ish-anëtari i akademisë suedeze tha se nuk mund të pranonte të bëhej pjesë e një heshtje të madhe, pasi me “opinionet e tmerrshme mund të bësh shumëçka, por jo të bësh sikur nuk ekzistojnë”.

LEXONI GJITHASHTU: 

• ‘Kadareja duhej të merrte Nobel-in në vitet 90’, ish-anëtari i Akademisë Suedeze: Para tij, e meritonte si Lasgushi
• Ish-anëtari i Komitetit të Nobelit për Letërsinë: Surprizë, nuk kisha dëgjuar kurrë për shkrimtarin nga Tanzania