U ekstradua 2 ditë më parë nga Italia, lihet në burg “Leksi i druve”

GJKKO konfirmoi masën e arrestit në burg ndaj Aleks Ndrekës, i cili u ekstradua dy ditë më parë nga Italia drejt vendit tonë, për llogari të Prokurorisë së Posaçme.

Ai u shpall në kërkim ndërkombëtar në kuadër të dosjes “Metamorfoza” , si person i dyshuar për sigurimin e kushteve për vrasjen e tre shtetasve në vitin 2017.

Ndaj 49 vjeccarit, GJKKO në vitin 2023 caktoi masën “Arrest në burg” në mungesë, për veprën penale “Sigurimi i kushteve dhe i mjeteve materiale për të kryer vrasje”, kryer në kuadër të grupit të strukturuar kriminal.

Nga hetimet e SPAK, rezultoi se “Leksi i druve” kishte marrë informacione për lëvizjet e Dorian Dulit, Ibrahim Liçit dhe Genc Tafilit dhe më pas këto informacione dyshohet se i dërgonte tek grupi i Bajrajve.