Vrasja e Lulzim Vishës, zbardhet dëshmia e autorit të dyshuar nga policia

Detaje të reja kanë dalë nga vrasja e Lulzim Vishës i cili u gjet i vrarë mëngjesin e 24 janarit 2025 në makinën e punës.

Gëzhojat që janë gjetur në vendin e ngjarjes përkojnë me armën që u gjet tek makina e djegur në Zall Herr. Gjithashtu e njëjta model arme u gjet gjatë kontrollit në banesën e Ervis Lamit.

Policia do të marrë ADN e gëzhojave të gjetura në vendin e ngjarjes dhe në banesën e Lamit për të bërë më pas krahasimin. Gjithashtu policia po vijon me analizimin e pamjeve të kamerave të sigurisë dhe me marrjen në pyetje të familjarëve të Lulzim Vishës.

Ndërkohë kushëriri i Ervis Lamit teksa është marrë në pyetje nuk ka pranuar konfliktin me familjen Visha.

“Nuk kemi pasur konflikt me familjen e viktimës. Në dijeninë time nuk kemi pasur asnjë debat apo përplasje. Nuk e di për pjesëtarë të tjerë të familjes nëse kanë pasur konflikte me dy vëllezërit Visha. Por unë personalisht dhe nga ajo çfarë di unë nuk kemi pasur konflikte”, ka deklaruar Eduart Lami.

Deri më tani Eduart dhe Ervis Lami akuzohen për armëmbajtje pa leje, megjithëse kontrolli në banesën e Lamit u zhvillua pas dyshimeve se dy kushërinjtë mund të kenë pasur konflikte me familjen Visha.

Eduart Lami ndërkohë ka dalë sot para gjykatës se Tiranës për caktimin e masës së sigurisë.

LEXONI GJITHASHTU:

• Kush është i arrestuari i dyshuar për vrasjen e Lulzim Vishës, del foto e viktimës

• Vrasja e Lulzim Vishës, policia: Në automjetin e djegur u gjet armë e gjatë zjarri