U kap në flagrancë duke shitur ekstazi, arrestohet 27-vjeçari në Gjirokastër

Një 27-vjeçar, banues në Lezhë u arrestua pasi u kap në flagrancë brenda kalasë së Gjirokastrës, teksa i shiste lëndë narkotike ekstazi, një 31-vjeçari.

31-vjeçarit iu sekuestruan sasia e lëndës narkotike ekstazi, 420 euro dhe 28000 lekë të përfituar nga veprimtaria kriminale e shitjes së kësaj lënde dhe 2 celularë.

Policia njofton se edhe 31-vjeçari i cili bleu lëndën narkotike, do të procedohet penalisht.

Njoftimi i policisë

Specialistët e Seksionit për Hetimin e Trafiqeve të Paligjshme dhe Narkotikëve, në bashkëpunim me ata të Forcës së Posaçme Operacionale, të mbështetura nga informacionet e siguruara prej inteligjencës policore, se një shtetas shiste lëndë narkotike, brenda perimetrit të kalasë së Gjirokastrës, kanë organizuar menjëherë punën për arrestimin e këtij shtetasi.

Si rezultat, u kap në flagrancë brenda kalasë, teksa i shiste një shtetasi tjetër, lëndë narkotike ekstazi, dhe u vu në pranga shtetasi D. Ll., 27 vjeç, banues në Lezhë.

Gjithashtu, u referuan materialet në Prokurori ku nisi procedimi në gjendje të lirë për blerësin e kësaj lënde narkotike, shtetasin K. H., 31 vjeç, banues në Gjirokastër.

Në cilësinë e provës materiale, Policia sekuestroi sasinë e lëndës narkotike ekstazi, 420 euro dhe 28000 lekë që iu gjetën shtetasit të D. Ll., në momentin e arrestimit, të dyshuar të përfituar nga veprimtaria kriminale e shitjes së kësaj lënde, si dhe 2 celularë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.

LEXONI GJITHASHTU:

• Kaliforni| Dy helikopterë përplasen gjatë një misioni zjarrfikës, vdesin 3 persona
• E rëndë| Shembet soleta e godinës në Qerret, zë poshtë dy persona