U lirua nga burgu në janar, zbardhet arsyeja e thirrjes së Fatos Tushes në SPAK

Ish-kryebashkiaku i Lushnjës, Fatos Tushe, është paraqitur këtë të mërkurë në Prokurorinë e Posaçme, i shoqëruar dhe nga një avokat. Tushe perfundoi dënimin pak kohë më parë për “Shpërdorim detyre” dhe “Shkelje të barazisë në tendera”.

Sipas burimeve SPAK ka nisur hetim pasuror ndaj ish-zyrtarit të lartë.

Dyshohet se Tushes i janë gjetur pasuri të fshehura në emër të personave të tjerë.

Pasi u mor në pyetje për disa minuta ish-kryebashkiaku u pa të dilte nga ambientet e Prokurorisë së Posaçme, ku dha dhe një prononcim të shkurtër për media. Ai pranoi se ishte në SPAK në lidhje me mos deklarimin e një pasurie.

“Jam këtu për mosdeklarimin e një pasurie”, tha Tushe.

LEXONI GJITHASHTU:

• Dumani: Duhet riparë kufiri monetar i korrupsionit që heton SPAK
• 120 mijë € Dumanit për t’i vrarë gruan, SPAK kërkon 6 vite e 1/2 burg për avokatin