U mor e pandehur nga SPAK, Bushka kërkon pushimin e çështjes ose gjykim të zakonshëm

Ish-deputetja e Partisë Socialiste, Klotilda Bushka këtë të premte përmes avokatit të saj ka kërkuar pushim të çështjes së saj në GJKKO dhe kalimin e çështjes në Gjykatë të zakonshme.

Sipas avokatit, Bushka kërkon pushimin e çështjes pasi fakti nuk parashikohet nga ligji si vepër penale. Më tej theksohet se kërkohet në alternativë gjykim të shkurtuar dhe moskompetencë e GJKKO për shkak të humbjes së subjektit. Avokati ka kërkuar edhe kalimin e çështjes në Gjykatën e zakonshme.

Klotilda Bushka është marrë e pandehur nga SPAK, lidhur me dosjen hetimore ndaj Erion Veliajt dhe bashkëshortes së tij. Prokuroret e akuzojnë Bushkën se ka penguar hetimet dhe nxjerrjen e të vërtetës.

Në dosjen hetimore thuhet se Bushka ka ndërhyrë për të penguar hetimet e SPAK, duke intimiduar dëshmitarë dhe duke u marrë telefonat që të mos i dorëzonin në SPAK.

LEXONI GJITHASHTU:

• Probleme me sistemin e trafikut ajror, aeroporti i Edinburgut pezullon fluturimet
• “Krimet mjedisore në rënie”, Rama prezanton reformën për mbrojtjen e natyrës