U ndaluan afër manastirit në Basnjkë, lirohen 4 nga të arestuarit

Prokuroria Speciale e Kosovës ka liruar katër persona të arrestuar më 24 shtator në Banjskë të komunës së Zveçanit, për mungesë provash të Policisë së Kosovës.

Personat në fjalë u arrestuan afër manastirit në Banjskë, teksa zhvilloheshin përleshje të armatosura në mes të Policisë së Kosovës dhe një grupi të armatosur.

Ndërkohë, që nga ana e Policia e Kosovës janë arrestuar edhe katër persona tjerë, si pjesë e grupit të terroristëve, ndaj tre prej të cilëve është marrë masa e paraburgimit prej një muaji.

Të dyshuarit me inicialet. B.S., D.M, dhe V.T, akuzohen për veprat penale, kryerja e veprave terroriste dhe vepra të rënda kundër rendit kushtetutes dhe sigurisë së Kosovës.

Ministri i Punëve të Brendshme të Kosovës, Xhelal Sveçla akuzoi të martën Milan Radoiçiçin, nënkryetarin e Listës Serbe – partisë më të madhe të serbëve në Kosovë – se ka organizuar dhe ka marrë pjesë në sulmin në Banjskë.

Më 26 shtator, Sveçla e ka publikuar një video të incizuar me dron, ku shihet Radoiçiç i armatosur brenda manastirit në Banjskë.

LEXONI GJITHASHTU:

• Diskutime në BE për sulmin në Kosovë, kërkohen masa ndaj Serbisë
• “Radoiçiç do bëhet Adem Jashari i serbëve”- Kurti: Çfarë na tha Vuçiç në Bruksel
• “Afrim Bunjakun e takova dy ditë para se të vdiste”-nipi i tij tregon se çfarë i tha