Një 36-vjeçare ndërroi jetë dje në Tiranë pasi disa ditë më parë u përplas nga një automjet teksa kalonte në vijat e bardha.
Merita Ferracaku u përplas nga një automjet në lagjen Ali Demi teksa kalonte rrugën dhe u dërgua në spital për ndihmë mjekësore, ku qëndroi deri ditën e djeshme, ku edhe ndërroi jetë për shkak të plagëve të marra.
Policia arrestoi një ditë pas aksidentit drejtuesin e automjetit që përplasi 36-vjeçaren, shtetasin R. A., 22 vjeç, banues në Tiranë, për veprën penale “Shkelja e rregullave të qarkullimit rrugor”.
“Gjatë kontrollit të dokumentacionit të automjetit tip “Skoda”, që drejtonte shtetasi R. A., nuk janë konstatuar mangësi, si dhe pas kryerjes së testit të alkoolit ka rezultuar se drejtuesi i automjetit, nuk kishte konsumuar alkool”, njoftoi policia.
LEXONI GJITHASHTU:
- U përplas nga makina teksa kalonte rrugën, ndërron jetën 36-vjeçarja në Tiranë
- Shoferja e dehur shkakton aksident, dëmtohen 6 persona, mes tyre 3 të mitur (Emri)
