U vra të dielën në atentat, 56-vjeçari pronar i një mobilerie në Tiranë

Bujar Nasufi, një 56-vjeçar humbi jetën në një atentat të dielën në mbrëmje në Tiranë.

Ngjarja ndodhi rreth orës 20:40, pranë banesës së viktimës, në afërsi të Pallatit me Shigjeta ku ai u qëllua brenda makinës së tij, një Mercedes Benz C Class.

Autori, i maskuar me një kapuç, ka qëlluar dhe më pas është larguar me një motor të zi në drejtim të zonës së Selitës.

Pas goditjes, viktima ka ndërruar jetë gjatë transportimit për në spitalin e Traumës.

Sipas burimeve paraprake viktima Bujar Nasufi kishte në pronësi një mobileri në zonën pranë vendit të ngjarjes.

Policia ka nisur hetimet dhe ka marrë në pyetje familjarët e viktimës për të zbuluar motivet dhe shkaqet që mund të kenë çuar në këtë krim.

LEXONI GJITHASHTU:

• Kush është 56-vjeçari që u vra në atentat në zonën e “Pallatit me Shigjeta”
• Vrasje me armë zjarri te “Pallati me Shigjeta” në Tiranë, ekzekutohet 56 vjeçari