Udhëheqësit e G7 do të diskutojnë shpërthimet gjatë natës në Iran

Udhëheqësit e G7 do të diskutojnë shpërthimet gjatë natës në Iran në ditën e tretë të takimit të tyre 3-ditor në Capri, Itali.

Sipas mediave të huaja, ministri i Jashtëm italian, Antonio Tajani, thotë se ka biseduar me ambasadorin e vendit në Iran dhe po “ndiqte zhvillimet”.

Ai shtoi se aktualisht nuk ka “asnjë çështje kritike” për qytetarët italianë që jetojnë në Iran dhe i tha RAI news se G7 dëshironte një “de-përshkallëzimi absolut”.

Ministrja e Jashtme e Kanadasë, Mélanie Joly, e cila është gjithashtu në takim, tha se ekipi i saj “po monitoron situatën nga afër”.

Udhëheqësit e G7 ranë dakord më parë për të rritur bashkëpunimin në menaxhimin e tensioneve në rritje në Lindjen e Mesme.

Sulmi në Iran vjen pas sulmit të Teheranit në Izrael me rreth 300 dronë e raketa, shumica e të cilave të rrëzuara nga sistemet mbrojtëse të vendit.

LEXONI GJITHASHTU:

• Sulmi i Izraelit, zyrtari në Teheran: Irani s’ka plan për hakmarrje të menjëhershme
• SHBA kishte paralajmëruar për hakmarrjen e Izraelit ndaj Iranit, por nuk e miratoi