Ukraina dhe Rusia shkëmbejnë të burgosurit, vijojnë sulmet me dronë kamikazë në Kiev

Rreth 100 gra ukrainase të burgosura u shkëmbyen më së fundi në marrëveshje me Rusinë. Më e moshuara mes tyre është 62 vjec, dhe më e reja 21.

Zyrtarët bën me dije se 37 gra janë evakuar së fundmi  nga fabrika e çelikut Azovstal e cila para pak kohësh ishte e rrethuar.

Në të njëjtën kohë 110 të burgosur u kthyen në Rusi nga Ukraina. Për herë të parë Komisioneri rus për të drejtat e njerit u takua me homologun ukrainas.

Në fjalimin e radhës presidenti Zelensky u shpreh se disa nga ukrainasit ishin kapur shumë kohë përpara luftës, por ata nuk ishin harruar.

“Nuk kemi harruar asnjë nga njerëzit tanë, do t’i rikthejmë të gjithë, ne duhet t’i  rikthejmë”, theksoi Zelensky.

Sulmet me dronë kanë vijuar edhe gjatë natës në Kiev.

Shërbimet e emergjencës së Ukrainës publikuan video ku përpiqeshin të evakunin banorët nga ndërtesat që u sulmuan të hënën në mëngjes.

“Rusët duan të sjellin depresion tek ukrainasit, por përkundrazi çdokush është i zemëruar dhe ata duan të mbrojnë atdheun e tyre, vendin e tyre”, u shpreh kryebashkiaku i Kievit, Vitali Klitchko.

Rusia nga ana tjetër shprehet se po përdor dronët kundër objektivave legjitime si nënstacionet e energjisë elektrike, por Ukraina thotë se po goditen civilët.

LEXONI GJITHASHTU

• 108 gra të burgosura në Ukrainë lirohen
• Bombardimet vrasin çiftin në Ukrainë, gruaja ishte shtatzënë
• Avioni luftarak përplaset me ndërtesën shumëkatëshe në Rusi