Presidenti i Ukrainës, Volodymyr Zelensky, dhe kryeministri i Spanjës, Pedro Sanchez, e kanë nënshkruar të hënën një marrëveshje dypalëshe për sigurinë, sipas të cilës Madridi do t’i ofrojë Kievit ndihmë ushtarake në vlerë 1 miliard euro këtë vit.
Lajmi u bë i ditur gjatë një konference të përbashkët për media mes dy liderëve në Madrid, ku Zelensky mbërriti të hënën për bisedime me Sanchezin dhe Mbretin Felipe VI të Spanjës.
Para vizitës së tij, gazeta spanjolle El Pais raportoi se Madridi synon t’i dërgoj Ukrainës raketa për kundërajrorin Patriot dhe tanke Leopard, në kuadër të një pakoje të ndihmës ushtarake.
“Për periudhën deri në vitin 2027, Ukraina do t’i pranojë 5 miliardë euro nga Spanja përmes Fondit Evropian për Paqe”, tha Zelensky në konferencë për shtyp.
LEXONI GJITHASHTU:
- Apeli i Stoltenberg: Ukraina të lejohet të godasë Rusinë me armët e Aleancës
- Rusia pretendon se ka marrë nën kontroll edhe një vendbanim ukrainas
